Pasta freskoaren masa kalitateko oneneko italiar irinaz eta uraz egiten da, elikadura-kontserbagarririk eta gehigarririk gabe.

Pasta beteetan, barruko osagaiak, freskoak eta kalitate gorenekoak dira.

Pastategian egunero egiten da artisau pasta, errezeta tradizionalak jarraituz. Pasta beteen osagaiak produktuak freskoak direnez, sasoian-sasoiko produktuak erabiltzen dira. Hori dela eta, urtaro bakoitzean pasta bete ezberdinak aurkituko dituzu.

Pasta egin berriak egosteko denbora oso gutxi behar du, pasta arruntak 1´5/2 min. eta pasta beteak 3/4 min.

Ontzi batean ura berotzen  jarri (1l./150 gr.), irakiten hasten denean gatza bota eta ondoren pasta gehitu. Berriz ura irakiten hasten denetik adierazitako denboran pasta al dente jateko prest egongo da. Bigunagoa nahi bada, 2 min. gehiago utzi egosten. Gustuko saltsa prest eduki, pasta saltsarekin nahastu jateko eta prest izango duzu.

Izoztutako pastak, freskoak baino 30-60 seg. gehiago behar ditu egosten.

Pasta beti hozkailuan eduki behar da, bere ontzian batuta; produktu guztiak, bai masa bai betegarriak, freskoak eta kontserbagarri gabekoak baitira.

Betagarri gabeko pasta soila, taglaitelle, tagliolini, fetuccini…, bere ontzian behar bezala gordez gero, egin denetik 4-6 egunetan eduki daiteke hozkailuan.

Pasta betea (cappelletti, ravioli, torteloni…) 3-5 egunez eduki daiteke hozkailuan; beteta dagoenez, masak hezetasuna hartzen du.

Pasta oso ondo kontserbatzen da izozkailuan. Berehala jateko asmorik ez baduzu, onena, lehenbailehen izoztea duzu, pasta lehortu baino lehenago. Era horretara, 2 hilabetean mantendu daiteke.

Izoztutako pasta prestatzeko izozkailutik zuzenean, deskonjelatu gabe, egosi behar da.